1. Umumy düzgünler
ALSAT web platformasynda (mundan beýläk - “Sahypa”) hasaba alyş prosesini tamamlanandan soň, müşderi bu Gizlinlik syýasatyna laýyklykda Sahypanyň ulanyjysy bolýar. Sahypany ulanmak bilen, Müşderi bu Syýasatyň ähli şertlerini kabul edýär.
Bu şertnama, Müşderi Sahypa hyzmatlaryndan peýdalanmagy bes eden pursady güýjüni ýitirýär. ALSAT bu Şertnama birtaraplaýyn üýtgetmeler we goşmaçalar girizmek hukugyny özünde saklaýar.
Sahypanyň belli sahypalarynda ýa-da bölümlerinde aýratyn şertler bolup biler. Müşderi biziň hyzmatlarymyzy ulanmagy dowam etdirip, bu şertler bilen tanyşandygyny we kabul edýändigini tassyklaýar.
2. Müşderiniň hukuklary we borçlary
Müşderiniň hukuklary:
1. Müşderi marketing habarlaryndan, duýduryşlardan we beýleki mahabat tekliplerinden ýüz öwrüp biler.
2. Müşderi ALSAT hyzmatlaryny ulanmagy bes edip, Sahypa administrasiýasyna hasabyny ýatyrmak baradaky haýyş bilen ýüz tutup biler.
Müşderiniň borçlary:
1. Müşderi hasaba alnanda we Sahypanyň hyzmatlaryndan peýdalananda dogry maglumat bermäge borçludyr. Dogry däl maglumat berlen halatynda, müşderi ALSAT-a ýetirilip bilinjek zyýanyň öwezini dolmaga jogapkärdir.
2. Müşderi Sahypany ulananda Türkmenistanyň kanunçylygyna laýyk hereket etmeli we platformanyň işine zeper ýetirmezligi ýa-da beýleki ulanyjylara zyýan bermeli däl.
3. Müşderi giriş maglumatlaryny (login, parol) gizlin saklamaga borçludyr we olary üçünji taraplara geçirmeli däl. Maglumatlar paýlaşylsa, müşderi olary ulanyş üçin doly jogapkärçilik çekýär.
3. ALSAT-yň hukuklary we borçlary
ALSAT-yň hukuklary:
1. ALSAT, Müşderiniň Türkmenistanyň kanunlaryny ýa-da bu Syýasaty bozandygy ýa-da başga islendik esas boýunça ýüze çykan halatynda, hyzmatdaşlygy birtaraplaýyn togtatmaga ýa-da bes etmäge hukugy bardyr.
2. ALSAT bu Gizlinlik syýasatyna üýtgetmeler girizip biler. Ähli üýtgetmeler Sahypada ýerleşdiriler we bu, Müşderini habarly etmek üçin ýeterlik hasaplanar. Müşderi wajyp üýtgetmeler barada aýratyn hem habarly edilip bilner.
3. ALSAT Müşderi tarapyndan berlen maglumatlary sargytlary ýerine ýetirmek, müşderi bilen habarlaşmak we platformanyň işini gowulandyrmak üçin ulanmaga hukugy bar.
ALSAT-yň borçlary:
1. ALSAT müşderiniň şahsy maglumatlaryny goramaga we maglumat howpsuzlygyny, şol sanda şifrleme we rugsatsyz girmekden goramak ýaly çäreleri görmäge borçlanýar.
2. ALSAT bu Syýasata we degişli kanunlara laýyklykda hyzmatlary bermäge borçlanýar.
3. ALSAT müşderiniň şahsy maglumatlaryny gaýtadan işlemegiň we saklamagyň jogapkärçiligini çekýär we olary kanun tarapyndan talap edilmedik ýagdaýda üçünji taraplara bermäge borçlanmaýar.
4. Maglumat ýygnamak
Sahypamyzy ulananyňyzda, biz hasap maglumatlaryny, ulanmak maglumatlaryny, tehniki maglumatlary we cookie-fayllary ýygnaýarys we işläp taýýarlaýarys.
5. Maglumatlary ulanmak
Maglumatlaryňyzy şu maksatlar üçin ulanýarys:
- Hasabyňyzy dolandyrmak.
- Sargytlary işlemäge we müşderi bilen habarlaşmaga.
- Täze harytlar, hyzmatlar we ýörite teklipler barada habar bermäge.
- Müşderileriň zerurlyklaryny öwrenmäge we şahsylaşdyrylan teklipleri bermäge.
- Trafik we platforma öndürijiligini seljermek arkaly platformanyň işleýşini gowulandyrmaga.
- Web sahypasynyň işleýşini gowulandyrmak, mazmuny şahsylaşdyrmak, ulanyjy tejribesini kämilleşdirmek we analitika geçirmek üçin.
- Geljekde ýüze çykyp biljek kanuny maksatlar üçin we ulanyjylaryň isleglerine laýyklykda hyzmatlarymyzy gowulandyrmaga we uýgunlaşdyrmaga gönükdirilen maksatlar üçin.
6. Maglumatlaryň paýlaşylmagy
Maglumatlaryňyzy aşakdaky taraplar bilen paýlaşyp bileris:
- Hyzmat üpjün edijiler: Tölegleri gaýtadan işlemek, harytlary eltip bermek we müşderi goldawyny bermek üçin.
- Kanuny guramalar: Türkmenistanyň kanunlaryna laýyklykda talap edilýän halatynda.
7. Habarlaşmak üçin maglumatlar
Eger bu gizlinlik syýasaty ýa-da maglumatlaryňyzyň işlenişi barada soraglaryňyz bar bolsa, biziň bilen elektron poçta arkaly habarlaşyp bilersiňiz.
